Dienstag, 14. Dezember 2010

Es schneielet...

... es beielet... und d'Chindergärnter chöme euses Advents-Hüsli cho aluge...
Hüt Mittag isch der Chindsgi bi eusem Adventshüsli cho es Bsüechli mache...
I han jedem Kind en Lebchueche mit Namen gmacht...

...dä Chinder het's gfalle und sie händ eus denn no es paar Liedli gsunge...

Schlag auf Schlag...

... isch es denn witer gange, i han mit em Carmen en Bastel- und Bachkurs für Chinder geh... Jo und das zum 1. Mol...
Z'erscht het d'Carmen zur Istimmig e Gschicht vo dä 4 Kerzä verzellt... (Glaube, Liebe, Friede und Hoffnung)
...und denn isch es an's bastle gange und zwar händ mir e Schatztruhe verziert, wo mir nochhär d'Gutzli tri to händ...
D'Schatztruhe isch usemene Tetra Pack entstande, d'Idee vom Anki ...

D'Chinder händ der Plausch gha, am verzierä, chläbä usw.

Wo alli schön verziert gsi sind isch es ab in d'Chuchi gange as bache...

... mir händ...

...Nussrolle

...Bischofsmützen
...Schoggi-Igeli
...Orangenplätzli bache...
und Mailänderli verziert.

Zwüscheine het's e stärkig geh, und zwar Popcorn...

... und zum Schluss het s'Carmen no zwoi tolli Gschichtä verzellt...

( und ich han mi an's Chuchi ufrume gmacht) Es isch en mega schöne , tolle Nomittag gsi...

s'Carmen und ich sind totmüed aber glücklich über dä glungeni Mittag gsi...

Adventsfenster...

... oder besster gseit Huus han i au no gha...
Mir händ Spielhuus vo dä Chinder dekoriert und an d'Stross füre gstellt...
Jo das isch immer e sone Sach mit em zügle...
Am 4 i isch es immer no am alte Ort gstande und am 5 i hets müesse Lüchte...
I han mir scho überlegt, wie söll das den goh?
Das isch erhört worde, denn plötzlich sind 2 Engel cho, eus cho hälfä das Hüüsli zügle...
Das het gmacht ruck zuck und den isch das Hüsli am richtige Ort gstande..
Vielä liebä Dank euch "2 Engel"...
D'Alena het mir denn gholfe dekoriere, mir händ d'Chrippe inegstellt, wo ich d'Figure selbe gmacht han...
Denn het's no es zwoits Hüüsli geh, das het mir d'r Erich gmacht..
Dankevielmol liebä Erich
Es isch ganz schön worde...

Mir händ's gschafft, am 5 i händ eusi Hüüsli glüchtet...

Es isch e so, wenn me ane lauft, denn Lüchtets und es fange Wiehnachstlieder afo laufe...
Ab de 6 i han i denn no en Apéro serviert, es isch schön gsi, wieviel Lüt der Wäg zue eus gfunde händ... (trotz Rägä)

D'r Samichlaus...

...isch im Kindsgi bim Nora cho...
(D'Lia und ich sind go luegä)
... und Zobe isch er mit em Schmutzli bi eus dehei cho es Bsüechli mache...

Nikolausstiefel...

... han ich für eusi Gottekinder gneit, nach em E-Book von Einchen...

Jupi...

...min Computer got wieder...
(D'Frog isch numme, wie lang...)
Also bi mir isch einiges gange während derä Ziit...
So bin ich mit Kolleginä (Gruppe Twister) nach Bremgarten an Wiehnachtsmärt gange...
I bin an eim Stand fast nüm e wäg cho, denn ich han für mis Adventsfenster (Haus) no es Kamel brucht, und do bin ich fündig worde...

Das isch en sehr empfehlenswärte Wiehnachtsmart, eifach wunder schön...

Samstag, 27. November 2010

Au sit hüt...

... het mini Kollegin 4 i uf em Rugge...
Für sie han ich das Zopf-vierzig bachet...

Mir...

...sind an der Eröffnig vom Anki sim Gschänkhüttli gsi...

...eusä Ramon isch so begeistertet gsi, was s'Anki alles gmacht het..

Dört het d'r Ramon s'Wiehnachtsgschänk gseh, wo när will bastle für Gotti, Götti, Grosseltere usw...

Dienstag, 23. November 2010

Hauptprob...

...het hüt d'Alena in der St. Matinskirche z'Basel gha...
Morn giltets denn ernscht...
I freu mi meegga uf das Konzärt...
Aber zerscht gits e Freinacht, denn d'Alena sött für e morgigi Uftritt no gstrickti Arm und Beistulpe ha...

Weihnachtsbäckerei...

... het bi eus Izug gno...
I han dörfe für's Anki Anisbrötli bache,bache, bache...
S'Anki het jo morn Eröffnig vo Ihrem Traum...
Es het mer Spass gmacht, jo i mue nomol dra, bi nonig fertig...

Montag, 22. November 2010

Gschänktäsche...

...han i dörfe lifere...
SVS het Naturschutztagig gha, ich bin agfrogt worde, öb ich Gschänktäsche wött mache.
D'r Erich isch nit e so begeistertet gsi wie nich, was wöttsch au dri tue??
I han gseit, he mis feinä Dörrobst. Jä und was no??
Er het denn doch no freud becho und het die Täsche mit em Bird Life Schweiz - Logo verziert, das het mi meegga gfreut...
...und e so schön sind sie worde...

...und do sind d'Produkt vo eusem Betrieb wo ni ineto ha ...

Freitag, 19. November 2010

Lang, lang, lang...

...ist's her, dass mir ghürotet händ...
Mir händ eus dörfe en Baum ussueche, min Maa het en Aprikosen wölle und ich en Quittenbaum.
Ich lieb Quittenkonfi /Geleé über alles... Also hämmer en Quittenbaum gsetzt...
Jo und er isch flissig am wachse...
D'r Ramon het en das Johr elei gunne ganzi zwoi Chiste...
Was macht Frau mit e soooo viel Quitten?
Es feins Quitten-Duett...
Denn han i grad no en tolle Uftrag becho und ich han richtig chönne produzierä...

Sonntag, 14. November 2010

Bilder von...

... unseren Auftritten am Turnerobe...

Tortendekokurs...

... han ich organisiert mi der Frau Fadequeen...
Es het mi gfreut, dass ich Dich persönlich kenneglernt han...
tatatata dass isch min schön verziertä Chueche...

...und das sind alli Kunstwärk...

Liebi Sandra, es isch en tolle Mittag gsi... Danke...

Freitag, 12. November 2010

Turnerobe...

... isch hüt und morn z'Buus...
Vo euserä Familie mache alli mit usser dr Papi...

Gender-Tag...

... hämmer gestert gha...
Was isch das?? Hani au nit gwüsst bis gestert...
S'Moana het vo der Schuel us en Tag in e Hushalt müesse oder dörfe...
Sie het eus gfrogt, jo denn isch sie am Morge cho...
Z'erscht het sie dörfe zum Nora in Kindsgi go Räbe schnitze, für en Räbäliechtliumzug...
denn isch s'Moana cho hälfä choche..
Am mittag het sie mit em Nora bastlet...
...denn sind mir go Öpfel-Ringli dörre...

und zobe sind mir denn mit em schöne Räbäliechtli wos s'Moana mit em Nora gschnitzt het an Umzug gange ...

Es isch en tolle, abwächsligsriche Tag gsi...

Samstag, 6. November 2010

Magenbrot...

...hämmer hüt sälber gmacht...

Mir sind...

... uf Bärn gange...
Han dörfe mis Geburi-Gschänk ilöse...
I han öppis ganz tolls gmacht, wo mir sehr sehr wohl to het...

...als Abschluss händ mir eus denn no en feinä Latte Machiatto gönnt...

Dankevielmol liebi V... es isch en wunderschöne tolle Tag gsi mit Dir...

Sonntag, 31. Oktober 2010

Herbstmäss...

... zum 3ten...
Nachdem mir d'r Nochschub abgeh händ,händ mir d' Ramon Götti mit Familie troffe...
Mir händ beidi Familie uf's Risärad welle goh, somit händ mir beschlosse zäme zgho...

Händ alli Platz gha in eim Gondeli.

Es isch eifach immer wunerschön uf em Riserad...

D'r Ramon het mit em Götti no uf Butschautelibahn welle goh...

(D'r Götti isch für alles zha...)

D'Mäss isch eifach immer schön...

Nachschub...

...für die Messe...
Sit 3 Täg bin i wiederemol e so richtig chrank, wenn ich numme no Tee trinke denn isch nüm guet...

Mittwoch, 27. Oktober 2010

E "FREI-Tag" ...

...han ich mir erlaubt hüt, denn wenn's ums bastle goht, bin ich immer zha...
Bin in e Kurs gange...
D'ganz Morge hämmer Droht abgliret...
Es isch en tolle Tag gsi, mit denä Fraue und ihrnä "Kunstwärk...

E isch e wunderschöni,lüchtendi Chugele worde...

Montag, 25. Oktober 2010

Häckeln, häckeln...

... tuet d'Alena üebe, und wenn's klappt gits öppis toll's...

Herbstmäss zum...

...2ten. Jo au am Sunntig bin ich im Isatz gstande...

Gegä Obä han i ganz en liebä Bsuche becho!! Es het mi gfreut, dass s'Anki und s'Nadja der Wäg an Stand gfunde händ...

Will ich e chli e ängstlichi bi, han ich mit Ihnä dörfe hei fahre, anstatt mit em Zug ...
Mir sind den no chli zäme durch d'Mäss glofe...

Händ zäme z'Nacht gässä...

...und denn no chli die schönä Liechtli gnosse...

... und als Abschluss sind mir no chli go "t'Chille" und händ e Chai trunke...

...es het mir sehr guet gfalle,. mit euch d'Mäss z'gniesse...