Freitag, 10. September 2010

40 gi ...

... bin ich am Mittwoch worde...
... es isch en wunderschöne Tag gsi...

... mit vilnä tollä Lüt, es het so einigi Ueberraschigä geh....

Min Maa het mit dä Kidis es wunderschöns Gedicht für mich gschribe...

40 Johr Caroline

40 Johr mol öpä 365 Täg,

do isch scho mängs gscheh uf Dim Läbenswäg.

Hüt bisch äs ganz liebs Mami wo vill für eus duet machä,

wo wäscht und chocht und au gueti Sachä duet bachä.

Mir wei jetzt ämol vo härzä dankäsägä,

das mir mit Dir dörfä zämä läbä.

Mami mir hei Di ganz fescht gärn,

Du bisch für eus d'r gröschti Stärn.

Mir wünschä Dir no ganz vill schöni Stundä mit eus allnä,

und schänkä Dir do äs Strüssli, wo Dir sicher wird gfallä.

Jetzt wötä mir gärn a' schtimä,

und mit Euch allnä Happy-Birthday singä.

Danke vielmol an alli, wo mi sind cho bsuechä und die schönä Gschänk.

Kommentare:

Art Anki hat gesagt…

Wunderschöns Gedicht lg Anki

Cornelia hat gesagt…

Nochträglich alles Liebi und Gueti zum Geburtstag. Riehrends Gedicht, schön! Griessli Cornelia