Montag, 30. Mai 2011

E witeri...

... Medaille het's geh im Hause Schweizer, und zwar grad die Goldigi...
Eusä Ramon het am UBS-Cup in Böckten der 1. Platz useturnt, und d'Alena isch uf e 7. Platz cho...
Super händ Ihr das gmacht...
Au s'Nächst Wuchenend stoht au ganz im Zeiche vom Sport...

Samstag, 28. Mai 2011

Wo bin ich die Wuche gsi???

I bi mit der 4. & 5. Klass uf Schullreis gange... Und zwar sind mir do...

...ane gange... Mir sind vo der Zooführerinnen empfangen worde...

Bettina und Franziska

(D'Bettina isch bi mir in d'Meitlirigi cho)

Denn händ d'Chinder es Rätsel müessä lose, und zwar händ sie verschiedeni Dösli becho, wos Düft dine gha het und sie händ müesse usefinde, wele Duft das das isch, z.B. Vanille, Pfeffer, Muskatnuss, Zimt, Cacao usw.

Anschliessend händ mir e Füerig durch d'Mosoala-Halle dörfe gniesse... Dört händ mir den es paar Strücher und Bäumli gseh, wo die Düft wo sie errrote händ dra wachse...

Jetzt isch es witer's Hylight vom hütigä Obe cho...

Mir händ dörfe Schildchröt, und Schlange strichele, au i han mi getraut e Boa aszlängä...

Nach emene Spaziergang durch der schlofendi Zoo, denn es isch scho Nacht gsi, händ mir e chli beobachtet und glost, weli Tier scho schlofe und welli dass no wach sind...

Denn isch es ab ins Bett gange, und zwar händ mir inere Jurde gschlofe...

Es het e Meitli und e Buebe-Jurde geh...

Es isch versuecht worde z'schlofe, aber sobald mol ruhig gsi isch, händ die Tier sich gmäldet und d'Chinder sind wiede wach gsi... Ich bi denn einisch igschlofe, aber d'Chinder händ d'Vera die ganz Nacht e chli wach paltet...

Am Morge händ mir denn nomol e Spezial-Führig mit der Bettina gha, denn der Zoo isch nonig offe gsi für d'Bsuecher...

Es isch mega lehrrich und interessant gsi... und zum Schluss händ mir do dörfe in Tierchuchi go luegä...
Jo es het it immer guet schmöckt wie me uf dö Foteli gseht...

Denn isch es scho wieder hei gange...

De Usflug isch sehr schön und interessant gsi...

Es isch toll gsi, han ich dörfe mit goh...

Samstag, 21. Mai 2011

Was schänke??

Das isch immer wieder d'Frog, wenn d'Chinder amene Chindergeburi iglade sind.
I han mir dänkt, i chönnt e mol en Chinderschal nähe...
En Schluchschal han i gmacht, ei Site mitemen Zierstich und an der andere Site han i e Bordüre ghöglet und zwar mit emene Bölleli - Abschluss...
So jetzt muess er nume no gfalle em beschänkte "Fräulein"...

Donnerstag, 19. Mai 2011

Bsuech...

... vom Kindergarte isch hüt cho, denn sie händ eusi 1-wüchigä Bibeli welle cho aluege,strichle und hebe...
... i han notürli no Cookies bachet für die Chinder...

D'Bibeli sind jetzt e Wuche alt...

Mittwoch, 18. Mai 2011

Schuelfrei...

... händ hüt Kidis gha...
Mir händ dä Tag gnutzt um e Usflug zmache, und zwar uf e...

...es isch en schöne warme Tag gsi...

... dä Chinder het's gfalle, in die Hüser go inegügsle, was isch ächt dine?

:-)

...denn händ mir no chönne imene Holzschnitzer zueluegä...

D'Nora isch so fasziniert gsi, dass sie am Schluss no isch go es gschnitzt Büsi isch chaufe...

... und ich han en Dörrofe gfunde...

... und denn no en Blick uf's Brienzer-Rothorn...

(denn dört händ mir im Herbst e Nacht gschlofe...)

Samstag, 14. Mai 2011

Alle guten Dinge...

... sind 3!!!
Jo mir händ 3 Bibeli becho...
Hüt sind sie zum 1.Mol uf der Wiese gsi...
Sie händs gnosse...

... und zur "Feier des Tages" han i e Rhabarber-Cake gmacht.

Mittwoch, 11. Mai 2011

Und nomol...

... hets die Nacht Nochwuchs geh...
Eifach härzig, mir händ e mega freud...
... hüt am Morge het wieder eis undefüregügselet...

Mir händ Bsuech hüt vo dä Soléa.

D'Chinder gönge ab und zue go inegügsle bi dä Bibeli.

Das isch halt scho es Erläbnis für Kidis...

Und mol luege wies witergoht, denn es isch wieder es Ei am ufgoh...
Mir sind gpanne, wies witergoht...

Dienstag, 10. Mai 2011

Bi eus het's...

... hüt Nochwuchs geh...
Und zwar sitze die 2 Hühner sit Ostere uf dä Eier...
... und hüt am Morge wo s'Lia isch go luegä zu dä Hühner, isch sie mir cho rüefä: Mami es het es jungs Bibeli. I hans zerscht gar nit glaubt, bi aber go luegä und das schöne Bibeli het füregügselet...
... und do got's grad witer, mir händs scho ghört...
... mir sind jo gspanne...

Samstag, 7. Mai 2011

En glückte ...

... Tag
Jo hüt isch eusä Dorf-OL mit anschliessendem Muettertagsbastle gsi..
Am morge am 10 i händ sich 17 fröhlichi Chinder troffe...

Jedes Chind het en Kompass becho. D'Alena het erklärt, wie me d'OL- Charte mit em Kompass hebt und liest...

Denn händ mir 5 Gruppe uf en OL-Lauf gschickt...

Nach 15 gfundene Pöste und 1 1/2 Stund sind die erste am Ziel acho...

Nodisno sind au die andere Gruppe itroffe im Ziel...

Nochhär händ sie sich an Tisch gsetzt und probiert d'Lösigswörter usezfinde, denn an jedem Poste hest en Frog gha mit drü mögliche Antworte und hinter jedere Antwort hets en Buechstabe gha, und wenn me alli Froge richtig beantwortet het, hets die Lösig geh:

WURST UND BASTELN

Nochhär hand mir eus gschtärkt, damit mir am Nomittag hand chönne bastle... Chinder händ nach em Esse no chli gspielt... ...und denn isch es witer gange mit bastle. Mir händ us Wide es Härzli-Grüst gmacht, d'Chinder händs mit Moos umwicklet und händs no mit Naturmaterialien, wo sie uf der OL-Route gsucht händ verziert und denn sind mini Stoffhärzli au no zum Isatz cho...

D'Chinder händ das sehr guet chönne... ... und die wunder schöne Härzli sind derbi usecho...
Eis schöner wie s'andere...

... und denn händ mir se no schön ipackt und es Ahängerli dra ghänkt...

Denn het notürli s'Dessert nit dörfe fehle...

Es het gmacht wusch und alles isch leer gsi...

Zum Schluss het's no e Siegersfoti geh...

E so wies usgset, het's dä Chinder gfalle...

I dörf glaug sägä, dass mir zwoi au zfriede, glücklich und müend gsi sind vom hütigä Tag...

Freitag, 6. Mai 2011

Endspurt...

... i bi an der letschte Sache nähen, bache und bastle für morn...
Denn morn gib ich mit em Carmen en Chinderkurs, und zwar:
OL im Dorf am morge, und am Nomittag bastle mir es Muettertagsgschänkli us Naturmaterialien für's Mami...
Do e chline Vorgschmack...

... morn gits mehr...

So jetzt mueni ab ins Bett,damit i morn mag mit 19 Chinder...

I freu mi ...

Iglade...

... sind hüt d'Mamis worde in Kindsgi, zum Zmorge...
d'Nora het mit em Jael zäme es Mami-Gedicht ufgseit, und denn das Väseli mit Strüssli gschänkt...

... und denn händ sie uns an sälber deckti Tisch begleitet, d'Set händ sie sälber gmolet...

Sie händ eus verwöhnt indem Sie uns bedient händ, und d'Mamis händ e mol dörfe sitze blibe... Also ich han das gnosse...

Dankevielvielmol liebi Nora und Christine