Mittwoch, 22. Juni 2011

Zum letschte Mol...

... isch eusi Nora vo dä Chindergärtler abgholt worde...
Sie het's chum chönne erwarte und hets sichtlich gnosse...
D'Chinder sind mit em Wägeli cho und sie isch für hüt d'Geburi-Königin gsi...
Ich han für die Chinder no es "feins" Znüni bachet...

Dienstag, 21. Juni 2011

Ich han...

... 2 Kürs bsuecht...
Zum eintä bin i go Betonblätter mache...

Es paar Tag spöter isch das usecho...

I wird sicher no meh mache, denn es isch toll, vorallem isch me gspanne was füre chunnt...

Und denn bin i no do gsi go e Salbi mache...
Es isch e pflegendi-Salbi worde, für d'Händ,d'Füess,Gsicht usw.
Und meh gsehts, bi eus wird sie vo der ganze Familie jo cha me sägä täglich brucht...

Im Moment...

... isch einiges los, chum nit emol derzue zum inestelle...
Derbi lauft e soo einiges...
Am Sunntig isch eusi Nora scho 7eni worde...
(2 Täg vorem Geburi isch im Nora die einti Schufle usegheit.)
Mir händ gfiret mit Gotti, Götti, Tante...
... und wer isch ächt no cho??Ueberraschung!!!
Er isch em Nora sin "Fründ" und het am gliche Tag Geburi.
Es chöme beidi im August in d'Schuel und dorum händ mir no e Fotosesion mit ihrnä schöne Schuelsäck gmacht...

Mittwoch, 15. Juni 2011

E glücklichi...

...Nora hämmer gha hüt obe...
Denn...
Sie het hüt der Schuelsack vom Gotti und em Götti becho.
Morn dörf sie e Stund in d'Schuel goh, notürlich mit em Schuelsack, aber eusi Nora het "erst" am Sunntig Geburi, aber dass Sie morn au en Schuelsack het, isch hüt extra Gotti und Götti verbi cho...
Und eusi Nora het gstrahlt!
(Denn ich han ihre bis am Schluss nüt verrote)
Ueberrraschung gelungen!!!

Nora, du hesch en ganz en schöne usgsuecht...

Sonntag, 12. Juni 2011

Abschied...

... händ mir hüt müesse neh im Pfingstgottesdienst vo eusnä liebä Sternschnuppe-Leiterinnen...
Und zue däm Anlass händ d'Buusner Chinder bastlet...
... und die 2 wunderschöne Tablett sind derbi usecho...
... und hüt händ se s'Ines und s'Karin becho, mit no chli Dörrobst vo mir druf... Liebs Ines und Karin
Eusi Chinder wärdä euch vermisse, dir händs eifach toll gmacht...
Danke!!!

Dienstag, 7. Juni 2011

Schnitzeljagd ...

... isch hüt bi schönem Wätter im Kitu gsi...

Es Medaille...

...richs Wucheendi liegt hinter eus...
Am Samschtig isch s'Velorenne gsi...

D'r Ramon het gwunne und d'Alena isch 4. worde...

D'Alena het sich wacker gegä d'Boys gschlage...

Es schöns Siegerspodest, Bravo ihr zwoi!!!

Müed sind sie Zobe gsi, aber zur Belohnig het's eis vom Ramon sinä Lieblingsässä geh, und zwar Fondue, jo Dir händ richtig gläsä..

Leider han i vergässä es Föteli zschiessä...

Jo aber denn isch gschnäll ins Bett gange, denn am Sunntig am Morge am viertel ab 7eni isch scho wieder der 1. us em Huus, denn es isch ab nach Maisprach gange ans Jugenturnfest...

Und dört sind mir denn eusi Athlete und Athletinnä go afüre...

Es isch heiss gsi, und dorum het e Glace guet do...

D'Lia het mit ihre Cousine Selin gschläckt...

... und d'Nora mit der Fründin Yael...

Und denn als Abschluss vo däm schöne Tagi isch der Izug vo dä 1'500 Chinder gsi...

(Wär gsed uf em Bild rechts in der Mitti der Ramon?)

Das isch wunder schön gsi, mit der Musik und soooo vielnä Chinder...

D'Nora het mit em Kitu der 2. Platz useturnet, Bravo!!!

D'Alena mit der Meitligriegi au der 2. Platz, Super!!!

Und em Ramon mit der Jugi het's it ganz uf's Podest glängt, sie sind 4. worde.

Gratulation euch allne!!!

Und das isch d'Medailleusbüti vo däm Wucheendi...