Samstag, 19. November 2011

Und scho wieder...

... han i dörfe en Chugele-Kurs geh.
I han am Nomittag bache und zwar mit der neue Gugelhöpfliform vo BB

Damit d'Kursteilnehmer während em "harte" schaffe no chli öppis süesses gha händ.

Und das bruchts für ei Chugele...
Es isch wieder flissig abgliret worde ...
bis es plotere geh het...
(zum Glück han i dasmol an d'Pflaster dänkt)

Nachere Pause sind die wunderschöne Chugele produziert worde. jedi schön uf ihri Art...

Mir hets meeggaa Spass gmacht, dass i han dörfe an zwoi Kursöbe dä Fraue Bastle mit Droht zu nere Chugel forme zeigä, ganz bsunders het's mi gfreut, dass s'Barbara und s'Esther zu mir an Kurs cho sind.

Freitag, 18. November 2011

Hopp de Bäse...

Gestern durfte ich mit em Dani Kalt und Stärnekids uf Zürich ins Alperock, denn dört isch e Liveufzeichnung vo
gsi.
D'r Moderator

Paul Zurfluh het d'Sendig moderiert.

Eusi Alena het au dörfe mitsinge...

Es isch en tolle, aber au asträngede Nomittag gsi...

Es isch es Erläbnis gsi, emol vom Fernseh hinter d'Kullisse zluege.

Es het eus gfreut, dass in der Liveufzeichnig d'Marianne und d'Esther uf Zürich greist sind. Das ganze wird am 17. Dezember 2011 um 18.45 Uhr im Sf1 usgstrahlt.

E Uschnitt vom Färnsehbitrag...

Jetzt sind mir scho richtig in der Wiehnachtsstimmig...

Es isch für mich schön gsi, han i dörfe mitgoh und d'Chinder hälfä begleitä.

Donnerstag, 17. November 2011

Gestert am Märt...

... han i dere wunderschöne Wulle nit chönne widerstoh.

Chum dehei, bin i anegsässä und han agfange stricke. Hüt bin i scho fast fertig.

Hüt am morge hätt ich se scho chönne bruche...

Die alte Pulswärmer händ au warm geh...

Mittwoch, 16. November 2011

Es isch eifach...

... super gsi.
I han min 1. Obe "Chugele-Kurs" verbi.
Es isch ganz flissig gschaffet worde...

Zwüsche ine han ich die liebä Lüt no chli verwöhnt...

... mit Kaffee, Apfeltiramisu, Zwätschgäläckerli und Zimtschnecken...

Zum Schluss sind Kugele belüchtet und verziert worde...

Es isch en schöne Kurs-Obe gsi...

Am Fritig folgt der 2. Obe...

Dienstag, 15. November 2011

Messe...

...uf en Petersplatz...
Am letschte Wucheendi bin i am Stand vo dä "Posamenter" gsi go verchaufe...
Am Samschtig isch s'Nora mit cho...
Mir zwoi händs gnosse, obwohl's e chli fest chalt gsi isch...
Es het eus gfreut, dass so vili Verwandti und Fründe der Wäg an eusä Stand gfunde händ.
Danke vielmol...So und jetzt gang i no die letschte Vorbereitigä go mache für hüt Obe, denn hüt gib ich en Drohtchugele-Kurs...
Bi scho chli nervös...
Wött au no chli öppis bache...

Mittwoch, 9. November 2011

Trotz mim grosse...

... Uftrag, han ich mir letscht Wuche en Nomittag frei gho.
Und zwar bin ich mit em Vanessa in en Bastel-Nomittag mit der Imke.
I han der Nomittag in ere schöne Atmosphäre gnosse.

Das het's no nie geh...

... bi mir, und zwar bin ich eimol zfrüh fertig worde, mit derä Mega-Bstellig.
Dank ganz vielnä Hälfer, wo mi tatkräftig unterstützt händ.
Dankevielmol euch allne, das isch en super Isatz gsi vo Euch.
Hüt han i scho chönne liefere...

Ich han e freud, han i so en Uftrag becho.