Samstag, 29. Dezember 2012

Samstag, 15. Dezember 2012

Guetzle...

... das lieb ich :-)
So jetzt han auch ich afo chrömle, und zwar han i untüpisch gstartet...
Eigentlich fang ich immer mit dä für mich schwirigschte a und zwar Spitzbuebä und Barbanzerl.
Aber das Johr mol andersch und zwar Start mit dä Florentiner...
Jä hüt Obe chunnt allwäg no Bsuech, und er liebt mini Florentiner...
So jetzt no es paar Teigs mache, damit es witer goht denn ich han ca. 20 Sorten ufschgschribe...
Also jetzt weiss ich was ich ztue han :-) :-) 
 
 

Wiehnachsgschänkli bastle...

... au d'r Ramon isch flissig am sägele...
 
 

Freitag, 14. Dezember 2012

Advenstfenster...

... isch hüt der Kingsi cho luege.
D'Lia het stolz ihrne  Gspändli der "Lia - Engel" zeigt.
Es het mi gfreut, dass der Chindsgi au isch scho luege, bimene wärme Tee und e chli singe sind sie denn wieder zrug in Chindsgi gange.
 
 
(Sie händ der Tee im Schnee gküehlt...)

Donnerstag, d'r 13. Dezember...

... uf d'Minute genau isch euses Adventsfenster fertig worde.
Tatata...

 

 Und das isch der Künstler vo dem schöne Hüsli mit dem Inhalt.





D'Holzängel het er mit der Motorsägi gsagt, und der letzscht Ängel isch am halbi 5 i fertig gsi, und am 5 i hets Fenster belüchtet und fertig sötte si...
Wou es et klappt uf d'Minute...
Denn es witers Hilight a dem "Fenster" isch der Brunne wo lauft...
 

 
  Jede Ängel stellt es Chind vo eus dar, und zwar het jedes Kind d'Engelsflügel selber zeichnet.

Denn han ich en Àpero serviert...
Es het Wiehnachtsguetzli, Linzertörtli, Speckzopf, Hefesternen und die traditionelle
früsch gmachte Waffeln.

 

 Es händ e hufe Lüt, der Wäg an euses Fenster gfunde, das het eus mega gfreut.  
Und gege die 8ti het no afo Schnei es isch chalt aber richtig schön gsi.
 

Mittwoch, 12. Dezember 2012

Uiui...

... morn isch Eröffnig vo eusem Fenster,
und hüt gsehts no e so us...
(langsam wird i e chli chli nervös :-)
  
 
 

Dienstag, 4. Dezember 2012

Bache für...

... en Wiehnachtsmärt in Bremgarte...
Am Sunntig han i bache und zwar, Änisbrötli, Zimtstängel und Zwätschgäläckerli.
D'Änis sind mir super glunge.
Hüt han i se dörfe lieferä und am Fritig gang i uf Bremgarte go verchaufe.
Das isch en wunderwunderschöne Märt, zum empfehle...
 
 
 
Das isch mis Sortiment...

 ... und denn han ich hüt mit em Lia Wiehnachtsgschänkli für Gotti, Götti, Grosseltere usw. bastlet... 

Samstag, 1. Dezember 2012

1. Dezember...

... ja willkomme im Advent.
Bis jetzt han ich immer e Chranz bunde und 4 roti Cherze druf. Aber das Johr isch es e chli andersch.
I han kei Kranz gmacht kei Gsteck eifach anderscht.
Eifach Joghurtgläsli agspreit und e chli verziert.
Und d'Holzstärne vom letschte Johr gnoh.
Es gfallt mir mega guet.

 
Und denn isch do no es anders Thema, und zwar händ d'Nora und d'Alena vom Marianne (Gotti vom Nora) en Adventskalender becho, aber das Johr nit.Und ich han das erst sit em Mittwoch gwüsst, jo was MACHT Frau? Studierä und studierä...
So isch mir d'Idee für d'Alena cho und zwar en Tee-Adventskalender i han die Büteli use gnoh und einzeln ipackt und zwüsche ine no e Schöggeli oder en Stift driglegt.
Sie het e Mega Freud gha. will sie der Meinig gsi isch, das Johr gits keinä.
 
 
 
 ...und für d'Nora, han i vom Grittli welle en Adventskalender mit Perlä bstelle,aber sie het leider das Johr keini gmacht. Also Ideen sind gfrogt.
So bin ich uf e Adventskalender mit dä Pixi-Büechli cho, sie tuet gärn läsä.
Und denn han ich no es Täschli gnäht, damit die Büechli versorgt chönne wärdä. 
Au sie het e freud gha, will au sie mit keinem grächnet het.
 

Die andere Adventskalender vom Lia und em Ramon zeig ich es andersmol...
Sie händ vo Gotte und Götti becho...
  

Donnerstag, 29. November 2012

Advent, Advent...

Bald brennt das 1. Licht...
I han es paar Minütli Ziit gfunde um für mini Kolleginnen und Gotte und Göttikinder chli öppis bastle für d'Adventsziit.
In verschiedenä Blogs han i die Idee vom Mini-Advent gseh, dass han i e so härzig gfunde, dass ich die super Idee grad übernoh han. Danke....





Für eusi Gottekinder han i en Adventskalender mit sälbergmachte  Pralinés gmacht.
Das isch jo e mega gueti Sach vo Dr. Oetkeer. Isch tip top gange.
Und hüt wärdä scho die erste verschenkt.

 
Und das wartet jetzt uf e Empfänger...
 
 
 



Dienstag, 6. November 2012

Glasfusing...

Letscht Wuche bin i en Obe go Glasfusing mache.
Es isch wunderschön gsi und ich bin scho mega gspannt uf's Ergäbnis...
... und zwar het's scho die erste Wiehnachtsgschänk geh. I bi meini gli dra, sooo gli bin i no nie dra gsi... 

Am Wuechendi isch überhaupt nit...

... Mässwätter gsi...
Aber mir sind glich gange, Rägä hin oder her...
Am Samstig obe bin i mit denä 3 no chli go Mässluft schnuppere...
 Sie händ welle uf e Bahn go und sind e soooo lang agstande...
 
... für uf die Geisterbahn...
 
 
Am Sunntig sind mir den no mit allne gange...
 E Zuckerwatte het nit dörfe fehle... 

 
... uf die schöni Ritirössli sind sie au no gange...
 
 
...und d'Lia het sich no dörfe en Ballon ussueche...

 Bi derä Häx händ mir au no es Bsüechli gmacht, d'Lia het bis jetzt immer Angst gha, und die Mäss het sie es paarmol welle go luege...


 

Montag, 29. Oktober 2012

Was für es Wuche - endi...

I bi am Samstig am morge imene Filzkurs gsi...
Mir händ es sogenannts D"Zwärgähüüsli" gmacht.
Zerst isch gfilzt worde...
Das isch en Chrampf...

und e so gseht mis Hüüsli uns...


Es het Licht dinne, mach den Mol e Foti wenns dunkel isch und lüchtet...
 
 
...und e so hets usgseh, woni hei gloffe bi...
Denn bin i ab uf Basel und zwar uf e Petersplatz, denn dört het jo d'Mäss agfange...
Und i hilf jo au bimene Stand mit...
... und zwar bim Posamenter...
und dört wärdä mini Dörrzwätschgä, sowie dörrti Chirsi und Öpfel-Ringli verchauft...   
 ... es isch mega schön gsi, aber für  e Mässbeginn meeegggaaa chalt...
Au am Sunntig bin i uf Basel gange, bi eus isch no tiefstä Winter gsi, je witer e Wäg ich vo Buus gange bi, oder jenöcher ich uf Basel cho bi, hets kei Schnee meh gha.
Z'Basel isch e so richtig schöns Mässwätter gsi, troche und chalt...
I han der ganz Tag gfrore, aber i han nätti Begegnigä gha...
Es isch wunderschön gsi, au mit minä Stand-Kolleginä...
Danke Marianne und Bea...
  
...und denn han ich no en Pris gunne...
Jupijeh, au ich han e mol Glück...
und zwar bi dr Balla  ...

 
Härzlichä Dank liebi Balla, i han freud a dem schöne Nodlechüssi...


Sonntag, 7. Oktober 2012

E schöne Ferieusflug...

... händ mir mit e so viel Chinder gmacht... 
(Also verstoht sich, vo 2 Familienen) 

Sommerrückblick...

... mir läuft die Zeit viel zu schnell, deshalb mach ich einen Rückblick, was so alles sit em Chirsigünne gange isch...

Samstag, 21. Juli 2012

Hurra, Hurra...

... i gang hüt zum 1. Mol an en FCB-Match...
Und zwar het eusi Nora gwunne. Sie darf mitemene Spieler ufs Spielfäld laufe...

Sonntag, 15. Juli 2012

ÄNDLICH...

... händ mir's wiedereinisch gschafft amene Sunntig dörfe furt goh...
Das Johr isch es ganz verruckt, äntwäder isch es an dä Sunntigä schön und mir händ Arbet, z. B. silirä, heue oder emde...
... und wenn mer nüt "z'tue" händ jo denn rägnets...
Aber hüt sind mir zwüschem Rägä ins frei-Luft-Theater...
Und zwar im Park im Grünen lauft zur Ziit der Zauberer vo OZ...


... es isch e wunderwunderschöns Theater...



  ... es isch zum empfähle...

Wucherückblick...

... und das sind die Wuche z'Vieri Desserts gsi :-)

Sonntag, 8. Juli 2012

Mir händ agfange mit...



... Chirsi günne...

Somit het "mini" Backsaison wieder agfange...
Es git immer zum Zvieri öppis süesses...
Das Johr het sogar d'r Ramon bachet und zwar Zitronenschnitten (oben links)...
Prakitsch für mich, nei nei denn ich bach jo sälber gärn...

Montag, 2. Juli 2012

Freu,freu,freu...

Ich han vonere Kollegin e wunderschöne Bluemestruss becho.
Jo und ich han gfrogt, worum?
Han nit Geburtstag, au nit Hochzitstag, em fallt mer nit grad i werum ich das verdient han.
Sie seit mir, dä isch für DICH, will Du immer oder emel meistens d'Abschiedsgschänk für d'Lehrerin oder d'Leiterinnen tuesch organisiere, und das sigi nit sälbstverständlich...
Poh, das het mi meeegggaaaa gfreut, dass das e so gschätzt wird.
(D'r Bluemestruss isch vom Bluemestyle do z'Buus, wo neu ufgange isch, es het dört wunderschöni accesoires und ebe macht d'Sevi schöni Bluemstrüss, isch en Bsuech wärt.)   



Sonntag, 1. Juli 2012

Jo und e so isches...

... gsi am Fritig.
Mir sind go d'Fünftklässer vertriebe vom Pauseplatz.
Es isch für mich en trurige Moment gsi. Denn scho 1. Kind wo uf Gelterkinden in d'Schuel goht, mei wie au die Ziit  vergoht. 
D'Alena hets mega gnosse und sie freut sich sehr uf Gelterkinden. Das isch jo rächt e so...
Zerst sind sie im Kreis vo dä andere Kinder gstande...


... und denn sind sie vertriebe worde...


Im Lehrer het jedes Chind e Vogel töpferet...
Au e Trinkschale hets no ge derzue...

     ... und Zobe isch bi eus uf der Weid es Chälbli uf d'Wält cho...


Donnerstag, 28. Juni 2012

Hüt...

... het d'Alena es T-Shirt mit Foti und no e chli verziert.
Worum ächtsch?
Hejo morn het sie d'r letzt Tag z  'Buus Schuel.
Bi eus isch so tradition, dass die Chinder wo in der 5. Klass sind verjagt wärdä...
Jo und morn isch scho d'Alena dra...


Abschlussgschänk für ...

... eusi Muki-Leiterinnen...
Denn für mich isch die Wuche e Aera z'änd gange...
Nach x-Johr Muki isches am Dienstag s'letscht Mol gsi...
Und ich han Gschänkli für d'Leiterinne organisiert und g'näht...
Das isch usecho...
Z'erscht händ mir uf e Stück Jeans-Stoff d'Händabrück vo allne Kidis gmacht, und zar vo 12 x 5 
Jo mir händ das Johr 4 Leiterinnen gha, und worum 5? 
Hejo han no eini für mich gmacht...

Es sind Roll-Bag entschtande...



oje han mini jo no gar nit gfötelet, zeig se es anders Mol...
   

En Wucherückblick...

Am 19 . Juni het euses Nora Geburtstag gha...
I han gneit, wie verruckt und zwar es Zahleshirt, es Jersey-Röckli und e Pixibüechlihülle inkl. Täschli...
(s'letzte hes sich s'Nora scho ganz lang vom Mami gwünscht.)



Es sind e ganz e hufe Gäst cho es Bsüechli mache...


Und am nächste Tag isch es grad witer gange mit em Chindergeburtstag...

Sie het no die Iladige gschribe und bastlet...
Nach d'r Idee vo do .
 D'Nora het iglade:
D'r Julien, (er het am gliche Tag Geburi wie s'Nora), d'r Timo, d'r Oliver und eis Meitli und zwar s'Leonie...
Mir händ bachet und bastlet...


 ...und zwar sönigi Täller, und dört druf wär eigentlich s'bachnigä dänkt gsi, aber es isch viel zwarm gsi und die Farb het und het eifach nit welle tröchne, aber am nächst Tag isch es troche gsi, so händ d'Chinder 2 x öppis becho...