Donnerstag, 23. Februar 2012

Happy Birthday...

Alles liebi und Gueti zu eurem 11. Geburtstag, liebi Alena und Ramon...
En schöne Tag und lönd euch fiiree...

Dienstag, 21. Februar 2012

In der Geburtstags-

bäckerei...
Ja mir händ hüt chli bachet, denn am Donnstig het d'hälfti vo eusnä Chinder Geburi...
Und das söll gfiret wärdä...
Mir händ hüt helli und dunkli Brätzeli gmacht...
(D'Alena die helle und d'r Ramon die dunkle)
... au d'Schenkeli (grad rächt zur Fasnacht) dörfe nit fehle...
und au no Zimtstängel...

Donnerstag, 16. Februar 2012

Iladigä...

... händ mir hüt bastlet...
... und zwar nach d'r Idee vo do ...
Bi eus händ nächst Wuche d'hälfti vo eusnä Chinder Geburi...
Si dörfe no einisch es Festli mache und zwar mache mer grad beidi mitenand, sind jo schliesslich Zwilling...
Mir händ Konfetti usgschnitte und dört druf d'Iladig gschribe, denn händ mir se gfüllt mit e chli Schoggi und Konfetti ...
und wenn alli Chinder chöme gits nächst Wuche e meeegggaaa Party mit ganz ganz vielnä Chinder...

Mittwoch, 15. Februar 2012

S'Wucheendi im Zeichä ...

... vo eusnä Gotti und Götti-Chinder...
... sind zerst mit em "Gottemeitli" go es Nasepircing stäche...
Denn händ mir en Abstächter an Katzensee gmacht...
Es het eus allne Spass gmacht e chli uf em Eis umezrutsche...
... d'Kids händ sogar umeturnet, Handstand und Burzelbaum...
Es isch es tolls ERläbnis gsi e so ufemen gfrorene See umezlaufe, zrutsche usw.
Am Sunntig sind mir min Göttibueb go luege und zwar het er am Chindercharivari mitgmacht...
... und am Schluss sind eusi Chinder au no uf der Grosse Bühni gstande...
Es isch e wunderschöni Uffüerig gsi, vo ganz guetä Schauspieler...
Und dusse sind mir no d'r Tinguely-Brunne go aluegä...
...wunderschöni Eis-Skulpturen...

Dienstag, 7. Februar 2012

Bi däm Wätter...

...isch es für mich e so schön, in der warme Stube si und
stricke,stricke und nomol stricke...
(jo das mächt ich am liebstä, aber han zwüscheine no anderi Arbet)
I han e Chappe gstrickt...
... und do no e chlini Vorschau über mis neustä Projekt...