Montag, 29. Oktober 2012

Was für es Wuche - endi...

I bi am Samstig am morge imene Filzkurs gsi...
Mir händ es sogenannts D"Zwärgähüüsli" gmacht.
Zerst isch gfilzt worde...
Das isch en Chrampf...

und e so gseht mis Hüüsli uns...


Es het Licht dinne, mach den Mol e Foti wenns dunkel isch und lüchtet...
 
 
...und e so hets usgseh, woni hei gloffe bi...
Denn bin i ab uf Basel und zwar uf e Petersplatz, denn dört het jo d'Mäss agfange...
Und i hilf jo au bimene Stand mit...
... und zwar bim Posamenter...
und dört wärdä mini Dörrzwätschgä, sowie dörrti Chirsi und Öpfel-Ringli verchauft...   
 ... es isch mega schön gsi, aber für  e Mässbeginn meeegggaaa chalt...
Au am Sunntig bin i uf Basel gange, bi eus isch no tiefstä Winter gsi, je witer e Wäg ich vo Buus gange bi, oder jenöcher ich uf Basel cho bi, hets kei Schnee meh gha.
Z'Basel isch e so richtig schöns Mässwätter gsi, troche und chalt...
I han der ganz Tag gfrore, aber i han nätti Begegnigä gha...
Es isch wunderschön gsi, au mit minä Stand-Kolleginä...
Danke Marianne und Bea...
  
...und denn han ich no en Pris gunne...
Jupijeh, au ich han e mol Glück...
und zwar bi dr Balla  ...

 
Härzlichä Dank liebi Balla, i han freud a dem schöne Nodlechüssi...


1 Kommentar:

Balla'sReich hat gesagt…

Liebi Caroline
schöns Hüsli hesch Du gmacht, d'Arbet het Fall glohnt. A dr Mäss so toll das dört chasch dini Sache verchaufe.
Schön wenn freud hesch am Nodelchüssi.
Grüessli
Barbara