Sonntag, 8. Dezember 2013

Adventswichteln...

Jo es het mi gluschtet wo d'Brigitte zumene Adventswichtle ufgrueffe het.
Und ich säg Euch, ich han es mega schöns Päckli mit tolle Sache dinne becho.
Und zwar bin ich ganz ufgregt gsi, wo nis am 6. Dezember han dörfe ufmache.

 
 
 
und das isch alles dinne gsi...
 

I han e schöni Wiehnachstcharte becho, feiniiii bränti Mandle (Liebi Brigitte sind alli scho gässä)
es Cherzli (Brigitte hesch Du gwüsst, dass bi mir immer es Cherzli brennt?) E wunderschöns Gästetüechli (het der Platz im Gäste-WC scho ignoh) und e feinä Tee und das wunderschöne Sternlimagnet, au das het scho es Plätzli becho.
Liebi Brigitte, ich möchte mich bi Dir rächt härzlich bedanke für die wunderschöne Sache Du hesch mini Adventsziit verschöneret, Danke.